Jákup og Jens Kjartan fyri triðju ferð

Niels Petersen | 8/4/2018 | Viðmerkingar: 5
Triðja árið á rað eydnaðist tað fuglfirðingunum, Jákup L. Baldvinsson og Jens Kjartan Feilberg at vinna FM heitið í billard fyri lið. Vinmenninar, sum spæla við besta liðnum hjá Billardfelag Fuglafjarða (BFF1) vóru í sínum síðsta umfari á Tvøroyri á vitjan hjá Páll Hera Nolsøe og Max Rasmussen, sum alt kappingarárið hava givið teimum ein sera skarpan gang. Tvøramenn høvdu ein dyst eftir eftir hendan dystin, og tað var móti teimum næstbestu hjá fuglfirðingum, og tí mátti eitt gott úrslit fáast til høldar á Tvøroyri.

Eitt gott úrslit var eisini júst tað teir fingu. Tað endaði púra javnt millum teir bestu av Tvøroyri og úr Fuglafirði, 4-4. Við javnleikinum á Tvøroyri hálaðu Jákup og Jens Kjartan seg upp á 54 stig, seks fleiri enn Páll Heri og Max, sum undan ársins síðsta dysti sostatt høvdu 48 stig. Spenningurin var tí øgiligur, tá næstbesta fuglfjarða liðið vitjaði á Tvøroyri, og mín sann, um tað ikki akkurát eydnaðist BFF2 at vinna eina dystin, so úrslitið bleiv 6-2 til tvøramenn. Tað rakk til sigur til tvøramenn, og upp undir liðina á BFF1 á stigatalvuni, men av tí at BFF1 hevði skorað nógv meiri eygu gjøgnum árið, vóru tað teir sum struku við FM heitinum.

Triðja pláss fór til Kristian Suna Høgnesen og Sonhard Johannesen úr Klaksvíkar Billardffelag.

Hetta kappingarárið hevur verið bæði tætt og spennandi allan vegin frá byrjan til enda, og bert nøkur eygu blivu munurin, tá alt kom til stykkis.
Hóast kappingarárið í liðkappingini er avgreitt, so manglar enn FM kappingin fyri einstaklingar, sum verður hildin vikuskiftið 4. - 5. mai á Tvøroyri.

Allar deildir avgreiddar
Í 2. deild var tað eisini eitt vinnandi lið úr Fuglafirði, og mín sann, um ikki tað var primus motor, the grand billard legend himself, Sofus Baldvinsson og makkari hansara Rúni Jacobsen sum struku avstað við fyrsta plássinum. Í hølunum á teimum, eins og teir vóru alt árið á tamb, komu Urbanus K. Olsen og Petur Joleiv Svøðstein úr Klaksvíkar Billardfelag. Á triðja plássi endaðu tvøramenn, mannaðir við Eyðun Gullok Svalbard, Bjarna Thomsen og Tórður Holm.

Í 3. deild vóru fuglfirðingar eisini í oddinum, men ikki ovastir, tí tað plássið vunnu Hans Jákup Nystrøm og Allan Larsen úr Klaksvíkar Billardfelag, meðan Jákup Jákup Gaard og Jákup Oluf Fløhamar blivu næstir. Hetta bleiv alt avgreitt í finaluumfari á Tvøroyri í mars mánaða. Tvøramenn vunnu bronsuna, sum Danjal Olsen og Niels Petersen tryggjaðu teimum.
 

Viðmerkingar

laucceels   26/3/2022

https://oscialipop.com - Cialis Aspirin along with ticlopidineclopidogrel have shown slight improvements in symptom relief. Mpbhvq Fish Flex Cephalexin Ok For Dogs cialis online cheap Kccfgw https://oscialipop.com - brand name cialis online Doxycycline For Chlamydia Order Online Ezuvns

Estarce   28/8/2022

stromectol tablet Levitra Cost Walgreens

LaumeSmar   27/10/2022

July 29 31, 2010 Intensive Patent Law Training Workshop Chisum Patent Academy Seattle, WA cialis dosage

fefsJoype   22/12/2022

Top 15 Thiamine Foods purchase cialis online cheap Hardens up the muscle and increases libido real well

Entitscat   2/1/2024

Specifically, oxymetholone is used to kick start cycles so that you get fast gains while waiting for the long ester drug to really take effect side effects to viagra Henriksson; Switzerland F

Skriva viðmerking